Жаңалықтар тізбегі
0

Алматыда Герольд Бельгер ескерткіші ашылды

Алматы қаласының әкімдігі Алматы қаласының әкімдігі
Герольд Бельгер бірлігі жарасқан біртұтас Қазақстан халқын қалыптастыру ісіне қалтқысыз қызмет етті.

Алматыда көрнекті қоғам қайраткері, жазушы, аудармашы Герольд Бельгер ескерткіші ашылды, деп хабарлайды zakon.kz қала әкімдігіне сілтеме жасап.

Ашылу салтанатында ҚР Мемлекеттік хатшысы Қырымбек Көшербаев ҚР Президенті Қасым-Жомарт Тоқаевтың халық жазушысы ескерткішінің ашылуына байланысты арнайы хатын оқып берді.

- Халқымыз "Гераға" деп құрмет тұтқан Герольд Карлович саналы ғұмырында ұлтымыздың әдебиеті мен мәдениетін өркендетуге, қазақ тілінің қарыштап дамуына айрықша үлес қосты. Бала шақтан дала демократиясын бойына сіңіріп өскен қарымды қаламгер ұлт руханиятындағы өткір де өзекті мәселелерді де әрдайым бүкпесіз айтып, қоғамда талқылап, оларды шешу жолдарын ұсынып отырды. Ең бастысы, жазушы Герольд Бельгер өзінің өмірі мен өнері арқылы бірлігі жарасқан біртұтас Қазақстан халқын қалыптастыру ісіне қалтқысыз қызмет етті, – делінген Мемлекет басшысының арнайы хатында.

Мемлекеттік хатшы өз кезегінде қазақ ауылында шынайы достық пен жан жылуы ортасында тәрбиеленген "Гераға" қазақ халқының тіліне, діліне, мәдениеті мен өнеріне деген шынайы қамқорлығы мен құрметін өмірінің соңына дейін сақтағанын атап өтті:

– Оның шығармашылығы өскелең ұрпақты рухани нәрлендіретін өмірлік даналықтың қазынасына айналды. Бүгін біз тәуелсіз Қазақстанның рухани жаңғыруының игілігіне арнаған қажырлы еңбегі мен асыл жүрегі үшін халқымыздың көрнекті ұлына құрмет көрсетеміз, – деді Мемлекеттік хатшы.

Қырымбек Көшербаев ескерткішті әзірлеу және ашу жұмыстарын жүргізгені үшін мүсінші Нұрлан Дамбайға, меценат Нұрлан Смағұловқа және басқа да осы игі іске атсалысқан азаматтарға алғыс білдірді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: