Тәжікстан азаматы Қазақстаннан 5 млн теңгенің тауарын заңсыз әкетпек болды

Түркістан облысы бойынша МКД

Аталған факт бойынша ұсталғандар жауапқа тартылды.

"Қапланбек" кеден бекетінде заңсыз тауарларды алып өтпек болған Тәжікстан азаматы ұсталды, деп хабарлайды zakon.kz Түркістан облысы бойынша Мемлекеттік кірістер департаментінің баспасөз қызметіне сілтеме жасап.

Ағымдағы жылдың 4-ші сәуірінде Ресейден Тәжікстанға бағытталған автокөлікте "Қапланбек" кеден бекетінде Түркістан облысы МКД-нің қызметкерлері ҚР ҰҚҚ қызметкерлерімен бірлесе жүргізген бақылау, тексеру жұмыстары кезінде декларацияланбаған оргтехника тауарлары барын анықтаған.

Тәжікстан азаматы Р.Т. жүк автокөлігімен тауарларды заңсыз алып өтпек болған. Нәтижесінде жалпы құны 5 млн теңгеге жуық компьютердің жинақтаушы бөліктері бар тауарлар тәркіленді.

Аталған факт бойынша ұсталғандар жауапқа тартылды.

Оқи отырыңыз