Аймағамбетов жазғы мектептер жайлы: Мұғалімдерге қосымша ақша бөлу жоспарланбаған...
kaztag.kz
Мамыр айының соңында Қазақстанда жазғы мектептер жұмысқа кіріседі, онда үлгерімі төмен оқушылар қашықтықтан оқыту салдарынан туындаған біліми кемшіліктердің орнын толтыруға мүмкіндік алады. Бұл туралы Білім және ғылым министрі Асхат Аймағамбетов мәлімдеді, деп хабарлайды zakon.kz.
Сейсенбіде өткен аппарат жиналысында сөйлеген сөзінде Аймағамбетов биыл барлық қазақ мектептеріндегі оқу жылы дәстүр бойынша 25 мамырда аяқталатынын айтты, деп хабарлайды Sputnik.
Сонымен бірге (26 мамырдан бастап) 19 маусымға дейін біз мектептерде жазғы мектепті ұйымдастырамыз. Негізінде бұл ерікті сипатта болатын оқу процесі әрі бұл шара қосымша қаржыландыруды қажет етпейді, - деді министр.
Ведомства ойластырғандай, жазғы мектеп оқушыларға білімдегі олқылықтардың орнын толтыруға, ал ата-аналары үшін балаларының жазғы уақытын бос өткізбеуге мүмкіндік береді. Баланы жазғы мектепке қабылдау үшін ата-анасы өтініш жазуы қажет болады. Жазғы мектепте ерік білдірген оқушылардың барлығына тегін білім беріледі, бірақ басты назарда үлгерімі төмен оқушылар болады.
Біз сабақ үлгерімі нашар балаларға барынша назар аударуымыз керек. Біз, әдетте талантты, дарынды балаларға көп көңіл бөлеміз. Өйткені бұл балалармен жұмыс істеу оңайырақ әрі қызықты екендігі түсінікті, бірақ бұл жағдайда басты назар үлгерімі нашар балаларға аударылуы керек, - деді министр.
Аймағамбетов жазғы мектепте сабақ беретін мұғалімдерге қосымша ақша бөлу жоспарланбағандығын да атап өтті.
Бұл қаржының бәрі алдын ала қарастырылып қойған, - деп сендірді Аймағамбетов.
Министрлік биыл мұғалімдер оқу жылына бекітілген жүктеме шегінде жұмыс жасайтынын атап өтті. Мұғалімдер лайықты жазғы демалысқа 19 маусымнан кейін шыға алады.
Сонымен қатар, министр жазғы мектептерге қатысатын мұғалімдер үшін есеп беруді барынша азайтуды тапсырды.
Есеп беру: формализм деген жоқ, қысқартыңыздар. Бізде, әдетте қандай да бір есеп өткізуді міндеттейді, кейбір әріптестер осындайды ұнатады, жоқ, бұған жол бермеу керек, - деп сөзін аяқтады Аймағамбетов.
