Жаңалықтар тізбегі
0

Sputnik Light ревакцинация үшін қолданылуы мүмкін - Есмағамбетова

Rt.com, сурет - Zakon.kz жаңалық 17.07.2021 00:27 Rt.com
Алайда, оның айтуынша, бүгіндері ревакцинация туралы әлі сөз жоқ.

Қазақстандағы Sputnik Light вакцинасының уақытша тіркелуіне қатысты ОКҚ-да өткен брифингіде ҚР Денсаулық сақтау министрлігі Санитарлық-эпидемиологиялық бақылау комитетінің төрағасы Айжан Есмағамбетова түсініктеме берді, деп хабарлайды zakon.kz тілшісі.

Қазақстанда Sputnik Light вакцинасына уақытша тіркеу жүргізілді. Бұл Sputnik V сияқты вакцина, тек бірінші дозасы. Препарат 80% тиімділігімен ерекшеленеді және Sputnik Light вакцинасын алу кезінде иммунитеттің ұзақтығы 6 айға дейін болатындығын атап өткім келеді. Сондықтан, Sputnik Light -ті халықтың таңдауы бойынша пайдалану жоспарланып отыр, яғни егер біреу екі вакцина алғысы келмесе және өзінің қысқа мерзімді иммунитетке ие болатындығына келіссе, онда бұл азаматтарға осы екпе салынады, - деді Есмағамбетова.

Оның айтуынша, ревакцинация туралы әлі сөз жоқ.

Негізінде, Дүниежүзілік денсаулық сақтау ұйымы ревакцинацияның қажеттілігі туралы талап қоймайды, егер жаңа зерттеу нәтижелері бойынша ревакцинация жасау қажет деп табылып жатса, онда Sputnik Light қолданылуы мүмкін, яғни ревакцинация үшін, - деп түсіндірді ол.

ҚР Денсаулық сақтау министрлігі Санитарлық-эпидемиологиялық бақылау комитетінің ресми өкілі Ержан Байтанаев бұл вакцинаның тиімділігі 80% құрайтынын, өзге вакцинаны алғаннан кейін пайда болатын белгілер - дене қызуының көтерілуі, ине салынған орынның ісінуі болуы ықтимал екенін айтты.

Егер адамдарда вакцинаға кері реакция болса, онда ол адамдарға екпе салынбайды, - деп түсіндірді ол.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: