Қазақстандағы сол 19 млн адам өте нашар өмір сүреді – Тайжан

zakon.kz

Бізде тек олигархтар ғана жақсы өмір сүреді, анда-санда Олимпиадаға барып қыдырып қайтады.

19 млн ел болдық, ал жақсы. Енді сол не бары 19-ақ млн халықты 30 жыл бойы бай қыла алмай жүргеніміз несі, дейді желіде Мұхтар Тайжан.

Тәуелсіздіктің 30 жылдығы қарсаңында Қазақстан халқының саны тарихи межеге жетті. Алматы облысында дүниеге келген Жәния Азаматқызы еліміздің он тоғыз миллионыншы азаматы ретінде тіркелді.
— Qasym-Jomart Toqayev (@TokayevKZ) August 3, 2021

Былай қарасаңыздар, бір үлкен қаланың саны ғой 19 млн деген – Пекин, Каир, Мехико секілді. Ал байлығымыз қанша? Уран, мұнай, газ, жайылымдар қайда кетті? Санаулы адамның қолында ғой!
30 жылда Біріккен Араб Эмираттар, Сингапур, Малайзия, Оңтүстік Корея т.б. адам болды, байып кетті. Олар кезінде әлемнің ең кедей елдері болған ғой! Ал біз ше? Қаншама өндірісті жоғалтып алдық? Қашан адам боламыз осы? Әлде біздің де буынымыз коммунизмді күту керек пе? Бізде тек олигархтар ғана жақсы өмір сүреді, анда-санда Олимпиадаға барып қыдырып қайтады... Ал негізі сол 19 млн адам өте нашар өмір сүреді. Кедейшілік басым! Соны өзгертуіміз қажет, дейді Мұхтар Тайжан.

Оқи отырыңыз