Ауғанстандағы Қазақстан елшілігін "Талибан" күзетеді - СІМ

Сыртқы істер министрінің орынбасары Ақан Рахметуллин "Талибан" (Қазақстанда тыйым салынған ұйым) Қазақстанның Ауғанстандағы елшілігін күзететінін айтты, деп хабарлайды zakon.kz.

Кабулдағы біздің елшіліктің хабарлауынша, тәліптердің бір бөлігі келген бетте біздің елшілік орналасқан аймаққа кірген. Елші көшеге шыққан, көшеде полиция да, күзет те болмаған. Бір тәліп жақындап келіп одан: "Сен кімсің, қандай елшіліктесің?" деп сұраған. Бұл Қазақстанның елшілігі екенін айтыпты. Олар: "Ештеңеден қорықпаңдар, қалай жұмыс істеп жатырсыңдар, солай жұмыстарыңды істей беріңдер, сендер біздің қорғауымыздасыңдар" депті. Содан бері олар біздің елшілікті күзетуде. Әзірге тек осы деңгейде ғана байланыс болды, - деп түсіндірді Рахметуллин.

Алдында ҚР СІМ Қазақстанның бұл елдегі жағдайды мұқият қадағалап отырғанын, БҰҰ Қауіпсіздік Кеңесінің инклюзивті және өкілдік үкімет құру, ұлттық азшылықтар мен әйелдердің құқықтарын құрметтеу, басқа мемлекеттерге қауіп төндіретін топтардың болуына жол бермеу, халықаралық құқықты сақтау туралы мәлімдемесін қолдайтынын айтқан.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021