Жаңалықтар тізбегі
0

Оңдасын Оразалин: Ақтөбе облысы Жолдауды жүзеге асыруға бар күшін салады

видеодан кадр видеодан кадр
"Ақтөбе қауіпсіз қала" іздестіру-сараптау кешенін енгізу жоспарлануда.

Ақтөбеде облыс әкімі Оңдасын Оразалиннің төрағалығымен Мемлекет Басшысы Қасым-Жомарт Тоқаевтың "Халық бірлігі және жүйелі реформалар – ел өркендеуінің берік негізі" атты Жолдауының​ жүзеге асырылуына байланысты жиын өтті. Жиынға облыстық мемлекеттік органдардың басшылары, облыстық қоғамдық кеңес өкілдері, ардагерлер қатысты, деп хабарлайды zakon.kz.

Оңдасын Оразалин жиынды ашарда:

"Алдыңғы күні Мемлекет Басшысы жыл сайынғы Қазақстан халқына Жолдауымен сөз сөйледі. Президент еліміз үшін ​ өзекті болып табылатын барлық сұрақты қамтыды. Негізгі міндеттердің бірі – пандемиядан кейінгі кезеңде экономикалық өсімді қамтамасыз ету", деп атап өтті.

Облыс әкімі стратегиялық құжаттың негізгі басымдықтары мен​ мемлекет басшысы қойған ауқымды міндеттерді іске асыру жолдарына тоқталды.

Президент тапсырмасын орындау мақсатында өңірде​ COVID-19-ға қарсы екпе туралы жалған ақпаратпен күрес жұмыстары күшейтілетін болады. Айта кетейік, бүгінде коронавирусқа қарсы екпенің бірінші компонентімен​ 285​ мың адам, екіншісімен 228 мыңнан аса адам егілген. Сондай-ақ, бюджет қаражатын тиімді пайдалану, ауыл аумақтарын дамыту және халықтың қатысу бюджетін енгізу, квазимемлекеттік сектор кәсіпорындарын жекешелендіру, шағын және орта бизнестің дамуын жеделдету, білім беру саласын дамыту және т.б. сынды міндеттер қойылды.

Президенттің азаматтардың әл-ауқатын жақсарту бойынша ​ тапсырмасы аясында 2022 жылдың 1 қаңтарынан бастап ең төмен еңбекақы мөлшері 42500 теңгеден 60 мың теңгеге дейін өседі.

Облыс әкімінің бірінші орынбасары Руслан Хамбаровтың айтуынша аталмыш шара табысын жоғалтуына байланысты, соның ішінде бір жасқа дейінгі бала күтіміне байланысты әлеуметтік төлем алған ​ азаматтарға тікелей қатысты болады.

Бұқаралық және балалар спортымен шұғылдануға жағдай жасау жұмыстары жандандырылады. Бүгінде облыс тұрғындарының​ 32,24%-ы дене шынықтырумен және спортпен айналысады. Қазіргі таңда Қарғалы, Темір аудандарының ауылдарындағы және Хромтау мен Қандыағаш қалаларындағы 5 дене шынықтыру-сауықтыру кешенінің құрылысы жалғасуда. Бұдан өзге, биыл мүмкіндігі шектеулі жандарға арналған спорт кешенін және Жарқамыс, Жарлы және Жағабұлақ ауылдарында ангар типіндегі 3 спорт кешенін салу жоспарланып отыр. "Самұрық-Қазына-Трасттің" қолдауымен Мұғалжар ауданының Ембі қаласындағы БЖСМ жанынан дене шынықтыру-сауықтыру кешенін салу басталды. Сонымен қатар, Ақтөбе қаласындағы орталық стадион мен "Химик" стадионын қалпына келтіру үшін жобалық-сметалық құжаттама түзетіліп жатыр. Тек қаланы ғана емес, облыстағы барлық ірі ауылдарды спорт ғимараттарымен қамту жоспарда бар.

Цифрландыруды дамыту аясында облыс орталығында 79 аппараттық-бағдарламалық кешен мен 2600 сыртқы бейне бақылау камераларын орната отыра "Ақтөбе қауіпсіз қала" іздестіру-сараптау кешенін енгізу жоспарлануда. Бұл шара тұрғындардың қауіпсіздігін көтеруге, өңірдегі апат пен қылмыс деңгейін азайтуға мүмкіндік береді.

Айта кету керек, бүгінде 250 адамнан асатын тұрғыны бар елді мекендерді интернетпен қамту аясында, өңірдегі 100 ауылдың 98-і​ "3G"​ мобильдік интернетімен қамтылған, қалған екі ауыл бойынша жұмыстар жүргізілуде.

Оңдасын Оразалин облыс Мемлекет Басшысының жыл сайынғы Жолдауында қойылған мақсат-міндеттерді орындау үшін бар күшін салатынын атап өтті.

Ол үшін бізде барлық жағдай бар. Тек​ қатаң бақылауды қамтамасыз ете отырып, беріліп, жауапкершілікпен жұмыс істеу керек, деді облыс әкімі қарамағындағыларға.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: