Қазақ бапкер келгелі Қазақстан құрамасы қуанта бастады

Камбэктің көкесін көрсетті кеше.

Қазақстан құрамасы 2022 жылғы әлем чемпионатының іріктеу кезеңі аясында Босния және Герцеговина құрамасымен күш сынасты. Зеница қаласындағы "Билино Поле" стадионында өткен кездесу 2:2 есебімен аяқталды, деп жазады aladop.kz.

Ойынның 53-минутында Қазақстан құрамасы бұрыштама добын орындауға мүмкіндік алды. Асзат Тағыбергеннің асырған пасы Исламбек Қуаттың аяғына дөп түсті. Ал "Астана" футболшысы ашық қақпаны көздеуде еш қателеспеді. Ал 74-минутта Миральем Пьянич пенальтиден гол соқты. 86-минутта дәл осы футболшы бұрыштамадан пас асырған еді, Лука Менало қақпаға баспен соққы жасап, командасын алға шығарды.

Бірақ 95-минутта Бақтиер Зайнутдинов айып добын тамаша орындап, Қазақстан құрамасына бір ұпай сыйлады.

Бес ойын өткізген Талғат Байсуфинов шәкірттері D тобында 3 ұпаймен соңғы орында қала берді. Ал Босния құрамасы бір саты жоғары тұр (3 ұпай).