Қазақстанда кәсіпкерлікті тексеру мен бақылау жүйесі өзгереді
zakon.kz
Қазақстанда ерекше тәртіппен тексерулер жойылады. Бұл туралы Мәжілісте кәсіпкерлік қызмет саласында жаңа реттеу саясатын енгізу туралы заң жобасының таныстырылымында Ұлттық экономика министрінің бірінші орынбасары Тимур Жақсылықов айтты, деп хабарлайды zakon.kz тілшісі.
Тимур Жақсылықов бұл заң кәсіпкерлік қызмет саласында жандандыру үшін ең қолайлы және ынталандырушы жағдай жасауға бағытталғанын айтты.
Демек, әкімшілік жүктемені азайту үшін ақпараттық жүйелерді қолдана отырып, есептерді тек электронды түрде ұсыну талаптарын заңнамалық бекіту, сондай -ақ бақылау мен қадағалау субъектілерін таңдау кезінде тәуекелдерді бағалау мен басқаруды автоматтандыру қарастырылған.
2022 жылы автоматтандырылған есеп беру қамтамасыз етілетін ақпараттық жүйелердің интеграциясы жүзеге асырылатын болады. 2023 жылы қолмен есеп беру, бағалау және тәуекелдерді басқару жүйесін цифрландыру қамтамасыз етіледі. Бұл қағаз жүзінде есеп берумен байланысты бизнеске түсетін жүктемені азайтады, бақыланатын кәсіпкерлік субъектілерінің тізімін оңтайландырады, - деп түсіндірді Жақсылықов.
Мемлекеттік бақылау мен қадағалау жүйесін реформалау да жоспарда бар.
Алдын алу шаралары профилактикалық бақылаудың үш түрін қамтиды. Жаңа тәсіл тек нақты фактілер мен жағдайларға тағайындалған рұқсат етілген талаптар мен жоспардан тыс тексерулердің сақталуын тексеруді көздейді. Ерекше тәртіппен тексерулер жойылады, - деді спикер.
Мадина Мамырханова, Нұр-Сұлтан
