Қазақстаннан ағаш шығаруға мораторий енгізілмек

Үкімет ел аумағынан ағаштың жекелеген түрлерін әкетуге тыйым салмақ. Бұл туралы ҚР Премьер-Министрінің бірінші орынбасары Ә Смайыловтың басшылығымен өткен сыртқы сауда саясаты және халықаралық экономикалық ұйымдарға қатысу жөніндегі ведомствоаралық комиссияның отырысы барысында белгілі болды, деп хабарлайды zakon.kz.

Атап айтқанда, ресейлік ағаштың рұқсатсыз қайта экспортталуын болдырмау, отандық кәсіпорындарды шикізатпен қамтамасыз ету үшін ағаштың жекелеген түрлерін қай елде шығарылғанына қарамастан, 6 ай мерзімге дейін ел аумағынан әкетуге тыйым салынды. Мұнымен қоса, Премьер -Министрдің орынбасары әкетуге мораторийді алып тастау туралы шешім қабылданғанға дейін әр 6 ай сайын шектеулерді автоматты түрде ұзарту туралы ұсынысты мақұлдады, делінген ҚР Премьер-министрінің ресми ақпараттық ресурсында.

Сондай-ақ, күнбағыс тұқымы мен күнбағыс майын әкетуге квотаны ұлғайтудың қажеттілігі мен табиғи уран мен оның қосылыстарына экспорттық кедендік баж салығын енгізу мәселелері талқыланды.

Ә.Смайылов, тұқым өндірушілердің мүдделерін ескере отырып, күнбағыс тұқымы мен күнбағыс майын экспорттауға квотаның оңтайлы көлемін анықтау және өнім бағасының өсуіне жол бермеу қажеттігін баса айтты.

Бақытжан Отарбаева

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021