Нұр-Сұлтан маңында екі жүк көлігі соқтығысып, екі адам қаза тапты

Газель жүргізушісі түрлі жарақаттарымен ауруханаға жатқызылды.

Ақмола облысында жол апаты орын алып, екі жолаушы қаза тапты, деп хабарлайды zakon.kz.

Қайғылы оқиға 18 қазанға қараған түні Нұр-Сұлтан-Петропавл тас жолының 387 шақырымында Красный Горняк ауылының маңында болды.

Газель көлігінің 30 жастағы жүргізушісі Toyota Camry көлігін сүйреп келе жатып, MAN жүк көлігімен соқтығысқан. Жол-көлік оқиғасы салдарынан "Газельдің" екі жолаушысы алған жарақаттарынан оқиға орнында қайтыс болды, - деп атап өтті облыстық ПД.

Газель жүргізушісі түрлі жарақаттарымен ауруханаға жатқызылды.

Бұл фактіге сәйкес, ҚР Қылмыстық кодексінің 345-бабы, 4-бөлігі, "Көлік құралдарын басқаратын адамдардың жол жүру немесе көлік құралдарын пайдалану ережелерін бұзуы" бойынша сотқа дейінгі тергеу басталды, - дейді баспасөз қызметі.