Ресей Ауғанстанды террористік ұйымдар тізімінен шығармақ

Ресей Федерациясының президенті Владимир Путин 21 қазанда "Валдай" халықаралық клубының отырысында сөйлеген сөзінде "Талибанды" (Қазақстан, Ресей Федерациясы және басқа елдерде тыйым салынған ұйым) террористік ұйымдар тізімінен шығару мүмкін екенін айтты. Ол Мәскеудің ұстанымы "дәл осы бағытта қозғалуы тиіс" деп атап өтті, деп хабарлайды zakon.kz.

ТАСС жазғандай, Ресей Федерациясы президентінің бұл мәлімдемесіне Ауғанстан уақытша үкіметінің СІМ өкілі Абдул Кахар Балхи жауап берді.

"Ауғанстан Ислам Әмірлігінің" Сыртқы істер министрлігі Ресей президенті Владимир Путиннің АИӘ басшыларының есімдерін қара тізімнен алып тастау туралы айтқан сөздерін құптайды", – деді ол.

Соғыс аяқталғандықтан әлем елдері Ауғанстанға деген көзқарастарына оң өзгерістер енгізуі керек. Біз өзара түсіністік қағидаты негізінде халықаралық қоғамдастықпен жақсы қарым-қатынасқа ұмтыламыз, деп қойды ол.

Бақытжан Отарбаева

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021