"Барселона" Куманды қуып жіберді
![Instagram/ronaldkoeman, сурет - Zakon.kz жаңалық 28.10.2021 15:53](https://kaz.zakon.kz/pbi/WEBP/2023-12-20/file-9be77e73-7436-46ac-88a0-a08b96fee67f/800x452.webp)
"Барселонаны" жаттықтырған 58 жастағы голландиялық маман Рональд Куман қызметінен босатылды, деп хабарлайды Zakon.kz.
Бұл туралы ақпарат клубтың ресми сайтында пайда болды, деп жазады aladop.kz.
"Барселона" Ла Лиганың 11-ші турында "Райо Вальеканодан" жеңілгеннен кейін клуб басшылығы Жоан Лапортаның жетекшілігімен шұғыл жиын өткізіп, Куманның отставкаға кетуі туралы шешім қабылдаған.
Еске салайық, Куман каталондық клубты 2020 жылдың тамызында тізгіндеген болатын. 2020/2021 жылғы маусымда оның жетекшілігімен "Барселона" Испания чемпионатын 3-ші орынмен аяқтап, ел кубогін жеңіп алды.
Ағымдағы маусымда "Барселона" 15 ұпай жинап, турнир кестесінде 9-орында тұр. УЕФА Чемпиондар лигасында каталондық клуб үш турдан кейін E тобында үшінші орынға табан тіреді.