Қазақстанда 10 градусқа дейін аяз күтілуде
![pixabay, сурет - Zakon.kz жаңалық 08.11.2021 17:40](https://kaz.zakon.kz/pbi/WEBP/2023-12-20/file-d6640ff2-fefc-419d-b08d-3f8575844848/800x452.webp)
Қазақстан бойынша 2021 жылдың 9-11 қарашасына арналған ауа райы болжамы жарияланды, деп хабарлайды Zakon.kz.
Солтүстік-Батыс циклонның әсерінен Қазақстанның батысы, солтүстік-батысы мен солтүстігінің басым бөлігінде жауын-шашын болады, елдің батысы мен солтүстік-батысында қатты жауын-шашын күтіледі.
Сондай-ақ тұман, көктайғақ, төмен бұрқасын болжанады, кезең соңына қарай ауа температурасының біртіндеп төмендеуі орын алады: түнде Қазақстанның батысында, солтүстік-батысында 0...10 аязға дейін, күндіз 5 аяз – 5 жылуға дейін, оңтүстік-батыста түнде 2-7 жылу аралығында, күндіз 5-10 жылуға дейін, солтүстікте болса 2 аяз – 3 жылуға дейін жетеді.
Республиканың қалған аумағында жауын-шашынсыз ауа райы сақталады: күндіз ауа температурасы 5...15 жылуға дейін көтеріледі деп күтілуде.
Республика бойынша жел 15-23 м/с дейін күшейеді.