Ресей Қазақстанның вакцина паспортын әзірге мойындамай отыр
Сурет: zakon.kz
Нақты мерзім туралы айта алмайды.
Ресей вакцина сертификаттарын өзара мойындау туралы Қазақстанның бастамасын қолдайды, деп хабарлайды Zakon.kz.
Бұл туралы Ресей СІМ ресми өкілі Мария Захарова мәлімдеді.
"Жалпы, Ресей қазақстандық әріптестердің екпе сертификаттарын өзара мойындау туралы бастамасын қолдайды. Мұндай бастаманы жүзеге асырудың әлеуетті платформаларының бірі "Covid-19-сыз саяхат" қосымшасы болуы мүмкін", – деді дипломат.
"ТАСС" хабарламасында айтылғандай, қазір бұл мәселе екі елдің түрлі ведомстволары арқылы белсенді түрде пысықталуда.
2 қарашада Роспотребнадзор, Қаржы министрлігі және Ресей СІМ өкілдерінің осы мәселе бойынша кезекті кездесуі өткен.
Ресейде вакцина сертификаттарын тану мәселесі бойынша ведомствоаралық жұмыс тобы құрылды, тиісті келісімнің жобасы дайындалды, ол біздің еліміздің мүдделі федералды органдарымен және ведомстволарымен келісу рәсімі өтуде, – деді Захарова. - Бірден бірнеше елдің екпе сертификаттарын тануды реттеу жоспарлануда.
Бұл ретте дипломат тиісті шешім қабылдау мерзімін айтпады.
Нақты мерзім туралы айта алмаймын. Бұл жұмыс өте қарқынды жүргізіліп жатқанына сендіре аламын, - деп түйіндеді ол.
Бақытжан Отарбаева
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
