Цой Pfizer жайлы: Балаларыма вакцина салдыртамын

ҚР Денсаулық сақтау министрі Алексей Цой балаларына коронавирусқа қарсы Pfizer вакцинасын салдыртатынын айтты, деп хабарлайды Zakon.kz.

Орталық коммуникациялар қызметінде өткен брифингте журналистер министрден: "Таныстарыңыз бен достарыңыздың 12-ден асқан балаларына екпе салуға кеңес бересіз бе", – деп сұрады.

Әрине, екпе салуды ұсынамын. Мен оларға үлгі болуым керек, балаларыма вакцина салдыртамын. Менің ұлым бар, екпе салуға жататын жастағы. Енді мектептердің екпе салуға кірісуін күтіп отырмыз, қалай басталады, солай салдыртады, – деді Цой.

Министр ата-аналардың рұқсатынсыз ешкімге вакцина салынбайтынын айтты. Сондай-ақ, ол вакцина алмаған оқушыларды онлайн оқуға ауыстырылмайтынын жеткізді.

Жоқ, екпе алмаған оқушылар онлайн оқиды деген болмайды. Бұл – ерікті вакциналау, – деп сендірді Цой.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021