Өзбекстан Президенті мемлекеттік сапармен Нұр-Сұлтанға келіп жетті
![Нұр-Сұлтан әуежайы, сурет - Zakon.kz жаңалық 05.12.2021 21:39](https://kaz.zakon.kz/pbi/WEBP/2023-12-20/file-a6766fc0-2e4b-4fe9-8300-e97f11d3755d/800x451.webp)
Өзбекстан Президенті Шавкат Мирзиеев Нұр-Cұлтан қаласына мемлекеттік сапармен келді, деп хабарлайды Zakon.kz.
Көрші мемлекеттің көшбасшысы елордаға Мемлекет басшысы Қасым-Жомарт Тоқаевтың шақыруымен келді, деп хабарлайды Өзбекстан Президентінің баспасөз қызметі.
Нұрсұлтан Назарбаев атындағы халықаралық әуежайда мәртебелі мейманның құрметіне құрметті қарауыл сап түзеді.
![Нұр-Сұлтан әуежайы, сурет - Zakon.kz жаңалық 05.12.2021 21:39](https://kaz.zakon.kz/pbi/WEBP/2023-12-20/file-e7183c34-1d40-4b32-a4cb-fc2f9083f135/800x451.webp)
Сурет: Өзбекстан Президентінің баспасөз қызметі
Сапардың негізгі іс-шаралары 6 желтоқсанда өтеді. Жоғары деңгейдегі келіссөздер барысында саяси диалогты нығайту, сауда-экономикалық және көлік-логистикалық ынтымақтастықты дамыту, мәдени-гуманитарлық байланысты кеңейту мәселелері талқыланады. Мемлекет басшылары өңірлік және халықаралық саясат мәселелері бойынша да пікір алмасады.
Келіссөздер қорытындысы бойынша 20-дан астам құжатқа қол қою көзделген.
![Саясат, сурет - Zakon.kz жаңалық 05.12.2021 21:39](https://kaz.zakon.kz/pbi/WEBP/2023-12-20/file-74dcb0f3-951c-4a58-9dad-f0591f10a3ea/800x451.webp)
Сурет: Өзбекстан Президентінің баспасөз қызметі