Қазақстанның төрағалығымен ТМД Сыртқы істер министрлері кеңесінің кезекті отырысы өтті

Өңірлік және халықаралық мәселелер, сурет - Zakon.kz жаңалық 12.10.2022 23:46

Сурет: ҚР СІМ баспасөз қызметі

12 қазанда ҚР Премьер-министрінің орынбасары – Сыртқы істер министрі Мұхтар Тілеубердінің төрағалығымен Тәуелсіз Мемлекеттер Достастығы Сыртқы істер министрлері кеңесінің кезекті отырысы өтті, деп хабарлайды Zakon.kz.

Іс-шараға Армения, Әзербайжан, Беларусь, Қырғызстан, Өзбекстан, Ресей, Тәжікстан мен Түрікменстан сыртқы істер министрлері қатысты, деп хабарлайды ҚР СІМ баспасөз қызметі.

Іс-шараға қатысушылар ТМД шеңберіндегі сыртқы саяси ведомстволар желісі бойынша ынтымақтастықты тереңдету мәселелерін, сондай-ақ өңірлік және халықаралық күн тәртібінің өзекті аспектілерін талқылады.

Достастық алаңы, сурет - Zakon.kz жаңалық 12.10.2022 23:46

Сурет: ҚР СІМ баспасөз қызметі

Отырыс қорытындысы бойынша Достастық алаңындағы өзара іс-қимылды тереңдетуге бағытталған бірқатар шешімдер қабылданды.

Сыртқы істер министрлері 2022 жылы 14 қазанда Қазақстан астанасында өтетін ТМД Саммитінде мемлекет басшыларының қарауына шығарылатын құжаттардың жобаларын келісті.