Ұлттық қор болашақ ұрпақтікі, оған жармаса беруді қою керек – президент

Сурет: Zakon.kz

Мемлекет басшысы Қасым-Жомарт Тоқаев ұлттық қор болашақ ұрпақтың қаржысы екенін айтты. Президент оның ресурсын қажет кезде, дағдарыс кезінде ғана пайдалануымыз қажет деп есептейді, деп хабарлайды Zakon.kz.

"Ұлттық қорға жармаса беруді доғару қажет. Мен бұл туралы осыған дейін де талай рет айттым. Ұлттық қор – болашақ ұрпақтың қаржысы. Біз оның ресурсын қажет кезде, дағдарыс кезінде ғана пайдалануымыз керек. Мемлекеттік-жекеменшік әріптестік институтын және жан басына қаржыландыруды, әсіресе әлеуметтік инфрақұрылымға инвестиция тартуды толық пайдалану керек".президент

Тоқаев былтыр желтоқсан айында жаңа МЖӘ (Мемлекеттік-жекеменшік әріптестік) үлгісін енгізуге бағытталған заңнамалық түзетулерге қол қойғанын еске салды. Жеке серіктестерді таңдауда ашықтықты қамтамасыз ету бойынша шаралар қабылданып, квазимемлекеттік кәсіпорындардың қатысуы шектелген.

"Осылайша бизнесті мемлекеттік жобаларды жүзеге асыруға тартуға жағдай жасалды. Бұл құралды жаңа ұлттық жобаларды жүзеге асыруда барынша пайдалану керек. Үкіметке әлеуметтік саладағы МЖӘ кешенді бағдарламасын дайындауды тапсырамын", - деді мемлекет басшысы.

Оқи отырыңыз