Тоқаев Қазақстан мен Қырғызстан арасындағы өзара құқықтық көмек туралы шарттағы түзетулерге қол қойды
Сурет: gov.kz
"Мемлекет басшысы "1996 жылғы 26 тамыздағы Қазақстан Республикасы мен Қырғыз Республикасы арасындағы азаматтық және қылмыстық iстер жөніндегі өзара құқықтық көмек көрсету туралы шартқа өзгерістер мен толықтырулар енгізу туралы хаттаманы ратификациялау туралы" Қазақстан Республикасының Заңына қол қойды", делінген Ақорданың ресми сайты жариялаған хабарламада.
Құжат ішкі істер органдарының қылмыстық істер бойынша заң көмегін көрсету құзыретін алып тастады. Енді бұл функция Бас прокуратураға тиесілі.
Сонымен қатар түзетулер мыналарды көздейді:
- уағдаласушы тараптардың өздері құқықтық көмек көрсету кезінде байланыстарды жүзеге асыратын және дипломатиялық арналар арқылы бір-бірін хабардар ететін құзыретті мекемелерді анықтауды көздейтін Шарттың 4-бабына өзгерістер енгізу;
- сот бұйрығын "үкiмдер" терминiне қосу және тану және орындау туралы өтiнiш беру кезiнде оны қарау тәртiбi.
Хаттаманы ратификациялау Қазақстан мен Қырғызстан азаматтарының құқығын қорғауға бағытталған азаматтық және қылмыстық істер бойынша құқықтық көмек көрсету саласындағы екіжақты ынтымақтастықты одан әрі нығайтуға мүмкіндік береді.
