Қасым-Жомарт Тоқаев белгілі экономист Нуриэль Рубиниді қабылдады

Мемлекет басшысы Қасым-Жомарт Тоқаев белгілі экономист Нуриэль Рубиниді қабылдады, деп хабарлайды Zakon.kz.

Президент Астана халықаралық форумына қатысу үшін келген белгілі америкалық экономист, Нью-Йорк университетінің профессоры, Roubini Macro Associates консалтинг компаниясының директоры Нуриэль Рубиниді қабылдады, деп жазды Ақорданың Telegram-дағы арнасы.

"Президент Астана халықаралық форумына қатысып, әлемдегі сын-қатерлер туралы өзінің ой-пікірін ортаға салғаны үшін Нуриэль Рубиниге ризашылығын білдірді", – делінген хабарламада.

Кездесуде жаһандық қаржы нарығындағы негізгі үрдістер талқыланды.