Президент Вьетнам елінің ұлттық көшбасшысы Хо Ши Миннің рухына тағзым етті

Мемлекет басшысы Қасым-Жомарт Тоқаев Хо Ши Мин мавзолейіне гүл қойды, деп хабарлайды Zakon.kz Ақордаға сілтеме жасап.

"Президент осы елдің ұлттық көшбасшысы Хо Ши Миннің рухына тағзым етті. Сонымен қатар гүл қою рәсіміне Қазақстанның ресми делегациясы да қатысты", - делінген Ақорда хабарламасында.

Бұған дейін мемлекет басшысының Вьетнамға ресми сапары Ба Динь алаңындағы Ұлт қаһармандары монументіне гүл қоюдан басталғаны хабарланған еді. Тоқаев Вьетнам Социалистік Республикасына ресми сапармен кеше барды.