Шарлапаев: Мемлекет АМТ ұстауға бюджет қаражатын жұмсамайды

Сурет: primeminister.kz

Өнеркәсіп және құрылыс министрі Қанат Шарлапаевтың айтуынша, "АрселорМиттал Теміртау" компаниясы 2022 жылы 3 миллион доллардан астам кіріс алған. Бұл кәсіпорынды ұстауға мемлекет бюджеттен қаражат жұмсаудың қажеті жоқ дегенді білдіреді, деп хабарлайды Zakon.kz.

Қанат Шарлапаев бұл туралы үкіметте өткен брифингте айтты.

"АрселорМиттал Теміртау" – жұмыс істеп тұрған кәсіпорын. 2022 жылы оның кірісі 3 миллион доллардан асты. Бұл өзін-өзі қамтамасыз етуге, қаржы ағынын реттеуге жетеді. Бұл – үздіксіз жүріп тұрған кәсіпорын. Сондықтан кәсіпорынды ұстауға (мемлекетке өткізгеннен кейін. – Ред.) бюджет ақшасын жұмсаймыз деу дұрыс емес деп ойлаймын. Біріншіден, кәсіпорын өзінің функционалдығын сақтайды".Қанат Шарлапаев

Қанат Шарлапаев компания Қазақстанның меншігіне өткеннен кейін үкімет АМТ-ны ешбір шетел инвесторына беру мүмкіндігін қарастырмағанын айтты. Сонымен қатар оның айтуынша, жалақы мен штат қысқармайды.

Қарағанды облысында Костенко шахтасында 28 қазанға қараған түні жарылыс болды. 252 адам шахтада болған, 206 кенші жер бетіне шықты. Қалған 46 жұмысшы қаза тапты.

Оқи отырыңыз