Жаңалықтар тізбегі
0

Мұнай және газ жеткізу: Әлихан Смайылов мемлекеттік органдарға бірқатар тапсырма берді

Мұнай және газ жеткізу: Әлихан Смайылов мемлекеттік органдарға бірқатар тапсырма берді Сурет: primeminister.kz
Тұрақты даму мақсаттары жөніндегі үйлестіру кеңесінің 7-отырысында БҰҰ-ның ТДМ саласындағы Қазақстанның ұлттық индикаторларын өзектендіру мәселелері талқыланды.

Бүгінде ұлттық индикаторлар тексеріліп, олардың кейбірінің мәртебесін қайта қарау қажет екені атап өтілді. Атап айтқанда, өзекті индикаторлар санатына барлық вакцинамен иммундаумен қамтылған азаматтардың үлесі, әйелдерге қатысты тұрмыстық зорлық-зомбылық фактілері, парниктік газдар шығарындыларының көлемі бойынша және т.б. көрсеткіштерді қосу ұсынылады. Бұл Қазақстанның Тұрақты даму мақсаттарына қол жеткізу жөніндегі жұмысының тиімділігін арттыруға мүмкіндік береді.

Сонымен қатар отырыста ТДМ индикаторларын ҚР Стратегиялық бағдарламалары мен құжаттарына қосу, оларды республика өңірлерінде локализациялау және енгізу мәселелері талқыланды. Әлихан Смайылов тұрақты даму мақсаттарына қол жеткізу үздік халықаралық стандарттарды енгізу арқылы халықтың өмір сүру сапасын арттыруға бағытталғанын атап өтті.

"Өткен жылдың қыркүйек айында мемлекет басшысы Қасым-Жомарт Тоқаев Тұрақты даму мақсаттары жөніндегі БҰҰ саммитіне қатысты. Президент өз сөзінде ТДМ-ға қол жеткізу біз үшін ұлттық басымдық болып табылатынын атап өтті. Сол себепті біз неғұрлым әділетті және орнықты әлемге ұмтылу жолында мүше мемлекеттердің барлығымен ынтымақтасуға әрқашан дайынбыз", — деді премьер-министр.

Үкімет басшысы ТДМ бойынша осындай сессия Астанадағы Халықаралық экономикалық форум аясында да өткізілгенін еске салды. Сонымен қатар жекелеген өңірлерде ТДМ-ны локализациялау бойынша семинарлар өтті. Талқылау қорытындысы бойынша Үйлестіру кеңесі 2024 жылға арналған ТДМ-ны іске асыру жөніндегі шаралар жоспарын бекітті. Премьер-министр мемлекеттік органдарға оның уақытылы және сапалы орындалуын қамтамасыз етуді тапсырды.

"Бүгін біз нақты тапсырмалар қойдық, оларды жыл бойы кезең-кезеңмен орындау керек", — деп түйіндеді үкімет басшысы.

Біріккен Ұлттар Ұйымы 2015 жылы жалпыға бірдей кедейлік пен теңсіздікті жою, қоршаған ортаны қорғау, ғаламшар халқының өркендеуін қамтамасыз ету жөніндегі іс-қимылдарға шақыру мақсатында Тұрақты даму мақсаттарын қабылдады. Барлығы 17 бағыт анықталды, оларды іске асыру экономика мен әлеуметтік өмірдің негізгі салаларының дамуына ықпал етпек. БҰҰ және ҚР Үкіметі өкілдері ТДМ жетістіктеріне мониторинг жүргізіп, тұрақты бақылауда ұстап отыр.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: