Тоқаев еліміздегі су тасқыны жағдайларына байланысты жиналыс өткізеді

Бүгін, 30 наурызда Қытайда мемлекеттік сапармен жүрген Мемлекет басшысы Қасым-Жомарт Тоқаев елге оралып, Премьер-министр Олжас Бектеновтің және басқа да лауазымды тұлғалардың қатысуымен жиналыс өткізеді, деп хабарлайды Zakon.kz.

"Президент Қасым-Жомарт Тоқаев еліміздің бірқатар аймағында болған су тасқынының салдарын жою үшін Үкімет пен жергілікті атқарушы органдардың атқарып жатқан жұмысын бақылауында ұстап отыр. Бүгін Мемлекет басшысы Қытайдан келгеннен кейін Премьер-Министр Олжас Бектеновтің және басқа да лауазымды тұлғалардың қатысуымен жиналыс өткізеді", делінген Ақорда хабарламасында.

Сондай-ақ қабылданған шешімдер туралы  жұртшылыққа тез арада хабарланатыны да нақтыланады.

Айта кетсек, Президент 2024 жылдың 27 наурызынан бастап мемлекеттік сапармен ҚХР-да жүр. 28 наурызда Мемлекет басшысы Боао Азия форумының пленарлық сессиясында сөз сөйледі.