Қазақстан Украина бойынша жаһандық Бейбітшілік саммитіне қатысады ма – СІМ жауабы
Сурет: Zakon.kz/Елисеева Екатерина
Сыртқы істер министрлігінің ресми өкілі Айбек Смадияров 3 маусымдағы брифинг барысында Қазақстанның 15-16 маусымда Бюргенстокта (Швейцария) өтетін Украина бойынша жаһандық Бейбітшілік саммитіне қатысатын-қатыспайтындығын айтты, деп хабарлайды Zakon.kz.
Смадияров Қазақстанның бейбітшілік саммитіне қатысуы халықаралық іс-шаралар кестесін және осы мәселе бойынша еліміздің ресми ұстанымын ескере отырып қаралатынын айтты.
"Қазақстан тарихи тұрғыдан Украинамен де, Ресеймен де бірдей тығыз саяси, экономикалық және мәдени-гуманитарлық қарым-қатынастарды қолдайды. Біз әрқашан барлық елдің егемендігі мен аумақтық тұтастығын және БҰҰ Жарғысы қағидаттарын сақтауды жақтаймыз. Осы тұрғыда біз осы елдер арасындағы екіжақты қатынастар тұрғысынан шешілуі тиіс аталған қақтығыстың бейбіт жолмен шешілуін дәйекті түрде қолдаймыз", - деп толықтырды сөзін ол.
ҚР Парламенті Сенатының спикері Мәулен Әшімбаев 2024 жылғы 30 мамырда Қазақстанның Украинадағы жағдайға қатысты ұстанымын тағы да айқындап көрсетті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
