Қазақстан азаматтары Грузияға кірерде неге қиындыққа тап келеді - СІМ түсініктемесі

ҚР СІМ ресми өкілі Айбек Смадияров 2025 жылғы 9 маусымда ведомствода өткен брифингте барысында қазақстандықтардың Грузияға кірер алдында неге көптеген қиындыққа тап болатынын айтты, деп хабарлайды Zakon.kz.

Смадияров бұл ретте бірнеше белгі болғанын айтты.

"Біз әр жағдайды таразыға салып, зерделейміз. Консулдық консультациялар дереу шақырылды. Біздің консулдық қызмет департаментінің өкілдері Грузия тарапымен келіссөздер жүргізу үшін сол жаққа ұшып кетті. Олар өз елдерінің қауіпсіздігін қамтамасыз етіп жатқанын, әрине, кейбір мәселелер бойынша талаптар туындайтынын айтып, жауап берді. Мүмкін, осындай толқынға біздің туристер және жалпы Грузияға барған Қазақстан азаматтары тап келген шығар. Бірақ бұдан былай олар шетелдік туристерді бірінші болып қарсы алатын шекара және кеден қызметінің өкілдерімен мұқият әңгіме жүргізуге уәде берді", - деді ол.

Оның айтуынша, Грузия тарапымен өзара түсіністікке қол жеткізілді.

"Бұл ретте құлдырау жүріп жатыр. Егер депортацияланған басқа елдердің азаматтарымен салыстыратын болсақ, онда Қазақстанда өте төмен пайыз", – деп атап өтті ресми өкіл.

2025 жылдың 5 мамырында Тбилисиде екі тараптың құзыретті органдары өкілдерінің қатысуымен Қазақстан мен Грузия Сыртқы істер министрліктері арасында консультациялар өткізілгені хабарланды. Сол кезде Қазақстан өз азаматтарына Грузия аумағына кіргізуден бас тартудың жиі жағдайына байланысты алаңдаушылықтарын жеткізді.