Қазақстан домбырашылары Голливудты бағындырды

Temirlan & Yernat, сурет - Zakon.kz жаңалық 12.08.2022 16:49

Сурет: Temirlan & Yernat дуэтінің жеке архивінен

Temirlan&Yernat домбырашылар дуэті – Темірлан Олжабай мен Наурыз Ернат АҚШ-та өткен байқауда Гран-при алды. Музыканттар Голливудтағы халықаралық байқауда аспаптық музыка номинациясы бойынша қазылар алқасын таңдандырды, деп хабарлайды Zakon.kz.

Биыл Голливудтағы жаһандық шығармашылық байқау онлайн режимде өтті.

Гран-при иегерлері Темірлан мен Ернат Испаниядағы кезекті жарыста жеңіске жеткеннен кейін байқауға шақырту алған. Ал бұл жолғы байқаудағы бәсекелестік деңгейі жоғары болды. Оған 36 елдің музыканттары қатысты.

Байқау екі кезең бойынша өтті. Бірінші кезеңде музыканттар «Каприз 24» композициясын ұсынса, екінші кезеңде Майкл Джексонның «They Don’t Care About Us» әнін домбырамен интерпретациялады.

Қазылар алқасын музыканттардың орындаушылық шеберлігі ғана емес, бейнебаянның реттілігі де тәнті етті. Музыканттар «They Don’t Care About Us» әніне бейнебаянды Алматыда түсіргенін айтты. Домбырашылар қалаға тән емес жерлерді тауып, Украинадағы қирау кезіндегі кадрларды енгізген.

Енді қазақстандықтар жақын арада Голливудтағы гала-концертте жеңімпаз ретінде өнер көрсетеді.

Оқи отырыңыз