Анджелина Джоли әйелдерге қатысты зорлық-зомбылықпен күрес қорын жабады
Сурет: Instagram/AngelinaJolie
Ұйымның жабылу себебін Джоли қор құрылтайшыларының қаржы жағынан қиындықтарымен байланыстырды. Бұл туралы Daily Mail жазды.
The Jolie Dalton Helic Foundation-ді 2015 жылы Анджелина Джоли, баронесса Арминка Хелич және бұрынғы консерваторлар жетекшісі Уильям Хейг құрған. Джоли осы жылдары ұйымға 1,7 миллион фунт стерлингтен астам үлес қосқаны хабарланған.
Қайырымдылық ұйымы зорлық-зомбылықтан зардап шеккен әйелдерге көмек көрсетумен айналысты. Джоли өткен жылдың желтоқсан айына дейін БҰҰ-ның босқындар ісі жөніндегі Жоғарғы комиссарының арнайы өкілі қызметін атқарған БҰҰ-да ұзақ жылдар бойы жұмыс істегеннен кейін Қорды ұйымдастыруға шешім қабылдады.
Джоли 2001 жылдан бері Біріккен Ұлттар Ұйымының Босқындар ісі жөніндегі Жоғарғы комиссар басқармасында жұмыс істейді. Ал 2012 жылы ол ұйымның арнайы өкілі болып тағайындалды. Актриса БҰҰ қызметкерлерімен бірге Йемен мен Буркина-Фасоны қоса алғанда, 60-тан астам даладағы миссиясын орындаған.
