Даррен Диц "Барыстан" ЦСКА-ға ауысып жатыр

Елордалық команда өз қорғаушысы үшін өтемақы алуды жоспарлап отыр, деп хабарлайды Zakon.kz

"Чемпионат" жазғандай, арадағы мәміле соңғы кезеңіне жақындап қалды.

28 жастағы Даррен Диц Континенталды хоккей лигасының ең қымбат ойыншысы, ол жылына 100 миллион рубль жалақы алады. Диц биылғы маусымда ҚХЛ тұрақты чемпионатының 34 кездесуіне қатысқан, тоғыз шайба соқты, 12 рет нәтижелі пас беріп, 21 ұпай жинаған.

Диц "Барыс" сапында 2017 жылдан бері ойнап келді. Осы уақыт ішінде ол ҚХЛ-да 269 матчқа қатысып, оның 22-сі плей-оффқа түсіп, жалпы 174 (67+107) ұпай жинады.