Желіде Бибісара Асаубаеваны марапаттау рәсімінің бейнеролигі жарияланды

30 желтоқсанда қазақстандық шахматшы Бибісара Асаубаева ел тарихында алғаш рет шахматтың блиц түрінен әлем чемпионатының жеңімпазы атанды, деп хабарлайды Zakon.kz

28 желтоқсанда дәл осы чемпионатта Бибісара Асаубаева рапидтен күміс медаль жеңіп алды.

Рапид – әр партияға 15 пен 60 минуттың аралығында уақыт берілетін шахмат түрі. Халықаралық ірі жарыстарда уақыт аралығы – 15 минут + әр жүріске 10 секунд, деп бекітілген. Шахмат ойынының бұл түрін гроссмейстер Давид Бронштейн ойлап тапқан.

17 жастағы спортшы қазақстандық шахмат тарихында алғаш рет әлем чемпионатының алтын медалін иеленді. Сонымен қатар, Бибісара планетаның ересектер чемпионатында ең жас әлем чемпионы атанды.

Посмотреть эту публикацию в Instagram

Публикация от Sara Assaubayeva (@bibisarachess)

Блиц – рапидтен де жылдам ойын. Бүкіл партияға 1-ден 10 минутқа дейін беріледі. Электронды шахмат сағаты пайда болғанға дейін әр партияға 5 минуттан берілген. Бүгінде блицтен ірі турнирлер 3 минут + әр жүріске 2 секунд уақыт көрсеткішімен өткізіледі.