Бибісара Асаубаева қыздар арасындағы шахматтан әлемдік рейтингте көш бастап тұр
Сурет: Instagram/bibisarachess
Бибісара Асаубаева 20 жасқа дейінгілер арасында халықаралық шахмат федерациясының (FIDE) әлемдік рейтингтің бірінші қатарына бір-ақ көтерілді.
17 жастағы қазақстандық осы жас тобында классикалық шахматтан үшінші орын алды.
Әйелдер арасындағы әлемдік рейтингте Бибісара Асаубаева блиц-шахматтан 10-орын, рапид бойынша 19-орын, классикалық шахматта 33-орын алды.
20 жасқа дейінгі қыздар арасында блиц және рапид бойынша рейтингте қазақстандық спортшылар Меруерт Камалиденова, Әсел Серікбай, Назерке Нұрғали, Лия Құрманғалиева, Ксения Балабаева, Әмина Қайырбекова, Алуа Нұрманованың да есімдері аталады.
30 желтоқсанда Асаубаева ресейлік Александр Горячкинді жеңіп, блиц бойынша әлем чемпионы атанды. Әлем чемпионаты Варшавада 25-30 желтоқсан аралығында өтті.
