Кукушкин Open 13 Provence турнирінің басты ойынында өнер көрсетуге мүмкіндік алды

Қазақстанның екінші ракеткасы Михаил Кукушкин жүлде қоры 622,5 мың евро болатын Францияның Марсель қаласында өтіп жатқан турнирде біліктілік сынағының финалында жеңіске жетті, деп хабарлайды Zakon.kz.

Төрт финалдан тұратын іріктеу ойындарының бірінде Кукушкин 1,5 сағат ішінде швейцариялық Марк-Андреа Хусслерді 6:4, 6:4 есебімен ұтты. Бұл жетістік Михаилге ағымдағы жарыстардың басты ойынында өнер көрсетуге мүмкіндік береді. Жартылай финалда қазақстандық спортшы корт иесі Тимо Легуттан басым түсті – 6:4, 6:1.