Эльжана Таниева көркем гимнастикадан Испанияда қола жүлдені жеңіп алды

Испанияның Марбелья қаласында өткен көркем гимнастикадан гран-при турнирінде қазақстандық Эльжана Таниева қола жүлдегер атанды, деп хабарлайды Zakon.kz.

Ұлттық олимпиада сайтының жазуынша, отандық гимнаст ұршықпен жаттығу бойынша қола медаль жеңіп алды. Бұл жаттығуда болгариялық Стиляна Николова топ жарса, оның отандасы Ева Брезалиева күміс жүлдегер атанды.

Айта кетелік, бұл Эльжананың осы маусымдағы екінші медалі. Бұған дейін ол Ресейдегі гран-при турнирінде күміс иеленген болатын.