Нұр-Сұлтанда көркем гимнастикадан ел чемпионаты өтіп жатыр

Қазақстан біріншілігі, сурет - Zakon.kz жаңалық 04.05.2022 23:29

Сурет: gov.kz

Нұр-Сұлтанда көркем гимнастикадан Қазақстан Республикасының чемпионаты өтіп жатыр, деп хабарлайды Zakon.kz.

3-12 мамыр аралығында Қазақстанның екі чемпионаты ұйымдастырылады, делінген елорда әкімдігінің ресми сайтында.

«Бүгін Нұр-Сұлтан қаласында Көркем гимнастика орталығында – Тәуелсіздік сарайында ел чемпионаты өтіп жатыр. 3-7 мамыр күндері спорт шеберлері, сондай-ақ 8-12 мамыр күндері спорт шеберлігіне үміткер және 1-разряд арасында Қазақстанның екі чемпионаты ұйымдастырылады. Онда 500-ден аса спортшы бақ сынайды. Сол сияқты еліміздің барлық өңірінен жасақталған құрама команда бөлек қатысады. Сол себепті жарыс өте тартысты өтеді деп сенемін», - деді Нұр-Сұлтан қаласы әкімдігінің «№1 БЖМОРСМ» КММ басшысы Әбілқайыр Сайранбек.

Еліміздің түрлі өңірлерінен жиналған талантты қыздар өз өнерлерін ортаға салды.

«Бұл – Қазақстан ішіндегі ең үлкен жарыс. Сондықтан спортшылардың бәрін көріп шығамын. Топтық командаларды да назарымызға аламыз. Себебі қазір Азия чемпионатына дайындық жүргізіп жатырмыз», - деді Қазақстан гимнастика федерациясының президенті Әлия Юсупова.

Оқи отырыңыз