Тимофей Скатов Лиссабондағы турнирде тосын сый жасады

Қазақстандық теннисші Тимофей Скатов Лиссабон корттарында өткен турнирде ширек финалға шықты. "Челленджердің" екінші айналымында петропавлдық спортшы әлемнің 122-ракеткасы, италиялық Франческо Пассародан басым түсті, деп хабарлайды Zakon.kz.

Тимофей Скатовтың қарсыласы сайыстың фавориттері қатарынан болатын. Соған қарамастан қазақстандық итальяндыққа төтеп беріп, 2 сағат 45 минут ойын қорытындысы бойынша жеңіске жетті.

Бүгіндері әлемдік рейтингте 233-ші орында тұрған Тимофей Скатов бұл жеңіске қол жеткізу үшін барлық үш партияда да өнер көрсетті – 6:1, 5:7, 6:1.

Ширек финалда қазақстандық теннисшіні атақты француз Бенуа Пэр күтіп тұр.