Елена Рыбакина WTA 500 турнирінің жартылай финалына шықты

Қазақстандық үздік теннисші Чехияның Острава қаласында өтіп жатқан WTA 500 турнирінің жартылай финалына шықты, деп хабарлайды Zakon.kz.

Ширек финалда Рыбакина (әлемдік рейтингте 26-орындағы) 2 сағат 1 минутта әлемнің 20-шы ракеткасы - чех теннисшісі Петра Квитованы 7:6(5), 6:4 есебімен жеңіп кетті.

Қазақстанның алғашқы ракеткасының келесі қарсыласы да Чехия өкілі. Барбора Крейчикова (23-орын) да 1 сағат 49 минутта америкалық қарсыласы Алисия Парксті (144-орын) – 7:6(7), 6:3 есебімен ұтқан болатын.