Жеңіліп көрмеген Қазақстан боксшысы АҚШ-тағы титулды жекпе-жекте нокаутқа түсіп қалды

Өз мансабында жеңіліп көрмеген қазақстандық боксшы Айдос Ербосынұлы (16-0, 11 КО) жас кубалық Дэвид Моррельге (7-0, 6 КО) қарсы титулдық жекпе-жекте алғаш рет тізе бүкті. Онда да ол нокаутқа түсіп қалды, деп хабарлайды Zakon.kz.

Бұл жекпе-жекте екінші орта салмақтағы WBA Regular чемпионы белбеуі көнге тігілді.

Келешегі зор әрі жас кубалық жекпе-жектің алғашқы минуттарынан бастап шаршы алаңда отандасымызды тықсыра қуалап, ақырындап ұпай жинады.

Ал соңғы 12-раундта Моррела өзі жоспарлаған айла-шарғысын сәтті жүзеге асырып, Айдосты нокаутқа жіберді.

Миннеаполистегі осы бокс кешінде тағы бір қазақстандық – Абылайхан Жүсіпов (2-0, 1 КО) өнер көрсетті, ол өз кезегінде мерзімінен бұрын жеңіске жетті. Кәсіби аренадағы үшінші жекпе-жегінде ол америкалық Демаркус Лейтонды техникалық нокаутпен жеңді (8-3-1, 5 КО).