Елена Рыбакина Дубайдағы командалық турнирде дүниежүзінің бесінші ракеткасын жеңді

Қазақстандық теннисші Елена Рыбакина Дубайда өтіп жатқан World Tennis League командалық көрме турнирінде беларусь спортшысы Арина Соболенконы жеңді, деп хабарлайды Zakon.kz.

Prosports.kz-тің хабарлауынша, Рыбакина Hawks командасында (Александр Зверев, Доминик Тим, Анастасия Павлюченкова), ал Соболенко Falcons командасында (Новак Джокович, Григор Димитров, Паула Бадоса) өнер көрсетті.

Қазақстандық теннисші бұл кездесуде 0:6, 6:1, 10:6 есебімен жеңіске жетті. Матч 56 минутқа созылды.

Еске салайық, Елена Рыбакина 2022 жылғы қыркүйекте теннистегі ең беделді жарыс саналатын Уимблдон турнирінде жеңіске жетті. Ол — бұл турнирдің жеңімпазы болған қазақстандық алғашұы спортшы. 

Елена Рыбакина Мәскеуде туған, 2018 жылдан бастап Қазақстан атынан өнер көрсетіп жүр.