Елена Рыбакина тағы бір марапатқа ие болды

Елена Рыбакина марапатталды, сурет - Zakon.kz жаңалық 23.12.2022 14:18

Сурет: ktf.kz

Астанада тұңғыш рет ұлттық спорт түрінен "Жеңімпаз рухы" жүлдесінің тұсаукесері өтті. Онда спорт саласындағы үздіктер, жаттықтырушылар, журналистер және басқа да мамандар марапатталды, деп хабарлайды Zakon.kz.

Айта кетейік, апта басында Қазақстанның бірінші ракеткасы, Уимблдон-2022 чемпионы Елена Рыбакинаға "Алтын Адам" сыйлығы табысталған еді.

Енді ол "Жыл серпіні" номинациясында жеңіске жетті.

"Жыл серпіні" номинациясында маған дауыс бергендердің барлығына рақмет. Бұл мен үшін үлкен құрмет. Өкінішке қарай, мен марапатты жеке ала алмадым. Өйткені қазір оқу-жаттығу жиынындамын. Жақында Австралиядағы жарысқа барамын. Бір жыл бойы мені қолдап, мен үшін алаңдаған барша қазақстандықтарға көп рақмет айтқым келеді. Алда да өз ойынымды, нәтижемді көрсетіп, сіздерді қуанта беремін деп үміттенемін. Басқа номинациялар бойынша барлық жеңімпазды құттықтаймын. Бәріңізге сәттілік пен бар жақсыны тілеймін".Елена Рыбакина

"Жеңімпаз рухы" сыйлығының иегері Елена Рыбакина Дубайда өтіп жатқан World League Stars турниріне қатысып жатқандықтан салтанатты шараға бара алмады.

Оқи отырыңыз