Жаңалықтар тізбегі
0

Қазақстан спортшылары Астанада өткен чемпионатта тағы үш алтын жеңіп алды

Қазақстан спортшылары Астанада өткен чемпионатта тағы үш алтын жеңіп алды Сурет: Instagram/drs_kz
Жабық ғимараттағы жеңіл атлетикадан Азия чемпионатының соңғы күнінің кешкі отырысы турнир қожайындарының жеңісімен аяқталды. Елордадағы жүгіру жолағында Қазақстанның әнұраны үш рет шырқалды, деп хабарлайды Zakon.kz.

Әуелі Қазақстан спортшылары Андрей Соколов, Эльнор Мұхитдинов, Вячеслав Земс және Михаил Литвин мәреге бірінші болып жеткен ерлер арасындағы эстафетада үздік шықты. Олар 3:09.15 нәтижемен ел рекордын жаңартып, Азия чемпионы атанды. Екінші орында Катар құрамасы (3:09,26), үшінші орында Тәжікстан құрамасы (3:34,45).

Одан әрі эстафетадағы жігіттердің бастамасын Аделина Земс, Александра Залюбовская, Кристина Кондрашева және Элина Михина төріндегі қыздарымыз қолдады. Бұл жарыста 3:44.21 нәтижемен төрттікке тең келер ешкім болмады, осылайша олар Азия турнирінің алтын жүлдесін жеңіп алды.

Қазақстандық Давид Ефремов 60 метрге кедергілер арқылы жүгіруден тағы бір мәртебелі марапатқа ие болды. Ол қысқа спринтте 7,65 секундта жүгірді. Сонымен қатар Астанада өткен турнирде ерлер арасында 3000 метр қашықтыққа жүгіруден Қазақстан өкілі Шедрак Кимутай үшінші орынды иеленді.

Жалпы алғанда Азия чемпионатының соңғы сағаттарына қарай турнир қожайындары өздерінің қоржынына жоғары сапалы алты медальді жинады. Бұдан бөлек Қазақстанда тағы екі «күміс» және екі «қола» бар.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: