Қазақстан бочча федерациясы халықаралық федерацияның құрамына енді
Cурет: Қазақстан бочча федерациясы
Қазақстан бочча федерациясы ресми түрде Boccia International Sports Federation (BISFed) – халықаралық бочча федерациясының мүшесі болды, деп хабарлайды Zakon.kz.
Енді отандық федерацияның өкілдері бочча бойынша челленджерлер, әлем чемпионаттары, паралимпиада ойындары, Азия паралимпиада ойындары сияқты халықаралық жарыстарға қатыса алады.
Биыл Қазақстан бочча федерациясы Қазақстан ұлттық құрамасының сегіз мүшесіне үш халықаралық жарысқа, нақты айтқанда, екі халықаралық челленджерге және Азия паралимпиада ойындарына қатысуға өтінім беруді жоспарлап отыр. Азия паралимпиадасы 2023 жылғы қазан айында Қытайда, ал паралимпиада 2024 жылы Парижде өтеді.
"Бұл – инклюзивті спорт түрлерінің дамуына мүдделі кез келген адам үшін үлкен жеңіс. Осылайша мүгедектігі бар спортшыларға жаңа мүмкіндіктер туып отыр. Біздің жарыстарымызға көбіне ерекше балалар қатысады. Енді олардың алдында жаңа мақсаттар мен міндеттер пайда болды. Сонымен қатар жас спортшылар үшін бұл ортаға бейімделуге, дос табуға және жаңа тәжірибе алуға зор септігін тигізеді. Халықаралық федерацияға мүше болу біздің ерекше спортшыларымыздың деңгейі мен еңбегінің әлемдік деңгейде мойындалуы екені сөзсіз". ҚР парламенті сенатының төрағасы және Қазақстан бочча федерациясының президенті Мәулен Әшімбаев
Айта кетейік, биыл маусым айында Қазақстан бочча федерациясы боччадан Қазақстан чемпионатын өткізеді. Соның нәтижесін бойынша Қазақстан құрамасы жасақталады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
