Бибісара Асаубаева: Үндістандағы Гран-при кезінде алғаш рет ораза ұстадым
Сурет: Instagram/bibisarachess
Бір күн бұрын Нью-Делиде Бибісара Асаубаеваның қатысуымен әйелдер арасындағы FIDE Гран-приінің үшінші кезеңі аяқталды. Турнир қорытындысы бойынша қазақстандық спортшы үздік үштіктің қатарынан көрінді. Бибісарадан бөлек, үздіктер тізіміне алты ұпаймен Александра Горячкина (Ресей) мен Чжу Цзиньэр (Қытай) кірді.
"Бұл менің өмірімдегі ең қиын турнирлердің бірі болды. Турнирге дейінгі жағдайларға байланысты 8 ойынды қатарынан демалыссыз өткізуге мәжбүр болдым. Турнир кезінде алғаш рет ауыз бекіттім. Оған қоса орта тұсында ауырып қалдым. Жеңімпаз атанып, ерлер арасындағы гроссмейстердің екінші ұпайын жеңіп алғандықтан, нәтижеге көңілім толады. Әлі дее жұмыс істеу керек. Келесі турнир Астанада өтеді, сондықтан демалуға уақыт жоқ.Бибісара Асаубаева
Үш кезеңнен кейін Асаубаева Гран-придегі жалпы есепте алтыншы орынға көтерілді. Барлығы 163 ұпайы бар: 30 (Астана) және 133 (Нью-Дели). Айта кетерлігі, қазақстандық шахматшы Мюнхенде (Германия) өткен бұл жарыстың екінші кезеңіне қатысқанда, жалпы классификацияда бұдан да жоғары болуы мүмкін еді.
Соңғы төртінші кезең Никосияда (Кипр) 15-28 мамыр аралығында өтеді. Оның қорытындысы бойынша әлем чемпионы атағына үміткерлер турниріне қатысу мүмкіндігіне ие болатын үздік шахматшы қыздар анықталады.
