Бүгін Геннадий Головкиннің туған күні
Сурет: Instagram/gggboxing
8 сәуірде ең атақты қазақстандық боксшы GGG - Геннадий Головкин туған күнін атап өтеді. Бүгін ол 41 жасқа толады.
Головкин кәсіби боксшы ретіндегі мансабын 2006 жылы бастады. Төрт жылдан кейін ол орта салмақтағы әлем чемпионы атанды. Сонымен қатар Головкин орта салмақтағы әлем чемпионы атағын сәтті қорғауда рекорд орнатты, атап айтқанда, 22 рет!
Атақты боксшының есімі орта салмақтағы нокауттардың ең жоғары пайызы бойынша Гиннестің рекордтар кітабына енді (қазір ол 82,22 пайызды құрайды).
Бүгінгі таңда Геннадий Головкин IBO нұсқасы бойынша орта салмақтағы әлем чемпионы болып табылады, бірақ ол бұрын IBF және WBA Super белбеулерінен бас тарту туралы шешім қабылдады. Өзінің тамаша мансабында ол 42 рет жеңіске жетті, тек екі жеңілісі мен бір рет тең түскен жекпе-жегі тағы бар.
10 наурызда GGG ресми түрде орта салмақтағы WBA титулынан бас тартқаны белгілі болды.
