Елена Рыбакина Stuttgart 2023 турниріндегі алғашқы кездесуінде жеңіске жетті

Қазақстандық теннисші Елена Рыбакина Германияның Штутгарт қаласында өтіп жатқан WTA 500 Porsche Tennis Grand Prix Stuttgart 2023 турнирінде алғашқы кездесуін өткізді, деп хабарлайды Zakon.kz.

Рыбакина алғашқы ойында германиялық теннисші Юле Нимайермен кездесіп, екі сетте 7:5, 6:3 есебімен жеңіске жетті. Ойын 1 сағат 30 минутқа созылды.

Матч кезінде Елена тоғыз рет эйс, бір рет қос қате жасады.

Starting off her @PorscheTennis campaign 👉

[6] Rybakina slides past Niemeier, 7-5, 6-3 in Stuttgart.#PorscheTennis pic.twitter.com/qQ9prM0ymJ

— wta (@WTA) April 19, 2023

Турнирдің жалпы жүлде қоры - 780 000 АҚШ доллары, ал жеңімпазға 120 000 АҚШ доллары, 470 рейтингтік ұпай және Porsche автокөлігі сыйға беріледі.