Спорт жаңалықтары 
Юлия Путинцева Madrid Open турнирін жеңіспен бастады
Сурет: instagram.com/yulia_putintseva/
Юлия Путинцева америкалық теннисші, әлемнің 55-ракеткасы Клер Лимен ойнады. Есеп 6:4, 6:4.
Матч 1 сағат 45 минутқа созылды.
Through in 2 👏@PutintsevaYulia defeats Liu 6-4 6-4 to set up a R2 encounter against Caroline Garcia 👀#MMOPEN pic.twitter.com/9m85Y2orwx
— wta (@WTA) April 25, 2023
Юлия Путинцева матч кезінде бір эйс орындап және бірде-бір қос қателік жасамады. Енді ол турнирдің келесі кезеңінде франциялық теннисші, әлемнің 4-ракеткасы Каролин Гарсиямен ойнайды.
Қазақстандық теннисші бір күн бұрын WTA-рейтингісінде 6 саты төмен түсіп, 45-орыннан 51-орынға жайғасқан еді.
Айта кетейік, Қазақстанның бірінші, әлемнің 6-ракеткасы Елена Рыбакина да Мадридтегі турнирге қатысып жатыр. Оның жекелей сындағы алғашқы ойыны 27 сәуірге жоспарланған, алайда кіммен ойнайтыны әлі хабарланбады.
