ӘК-2023: Қазақстанның ватерболшылары іріктеу турнирінде неміс құрамасын сан соқтырды

Су полосы бойынша Қазақстанның әйелдер құрамасы Әлем кубогының екінші дивизионының іріктеу турнирінде Германия командасын ұтып кетті, деп хабарлайды Zakon.kz.

Қазақстан намысын қорғаған ватерполшылар бірінші турдағы кездесуде жарыс қожайындары - неміс құрамасын 11:7 есебімен жеңді. Бұдан бөлек В кіші тобында Ұлыбритания мен Жаңа Зеландияның командалары да бақ сынайды. А кіші тобы болса, тағы төрт командадан: Оңтүстік Африка, Израиль, Өзбекстан және Украина өкілдерінен тұрады.

Осы іріктеу жарыстарының регламенті бойынша, суырылып алға шыққан үздік екі команда 2023 жылдың маусым айында Американың Лонг-Бич қаласында өтетін Әлем Кубогының финалдық турниріне жолдама алады. Яғни, өз тобында алғашқы екі орынды иеленген құрамалар жолдамадан үмітті.

Екінші матчты Қазақстан әйелдер құрамасы өзінің кіші тобында 2 мамырда кешке Ұлыбритания құрамасына қарсы өткізеді.