Министр Азиадада Қазақстан спортшыларының формасы жыртылғаны туралы: Адам сапасыз тауарды алмайды

Сурет: primeminister.kz

3 қазан күні үкіметте өткен брифингіде Индустрия және құрылыс министрі Қанат Шарлапаев ҰОК және жеке спортшылар тарапынан Азиададағы форманың сапасына қатысты шағымдардың болған-болмағанын айтты, деп хабарлайды Zakon.kz.

Қанат Шарлапаев министрлікке ешқандай шағым түспегенін айтты.

"Өнім сапасына қатысты тапсырысты спорт іс-шарасын ұйымдастыруға жауапты біздің жауапты орган өз бетінше орындады. Біздің министрлік жеткізушіні таңдауға қатыспаған және нақты сапаны тексермеген. Себебі бұл министрлiктiң қолынан келмейтiн азаматтық-құқықтық қатынас. Жалпы жеңiл өнеркәсiпке қатысты мемлекеттiк стандарттар бар. Ал бұл бәсекелес нарық – сатып алушы өз ақшасымен дауыс бередi, таңдайды. Халық сапасыз тауар сатып алмайды", - деді министр.

Оның айтуынша, департаментке ешқандай шағым түскен жоқ. Ал министрлік мүдделі тұлғалардың өтініші негізінде ғана спорттық киім шығаратын кәсіпорынды тексеруге бастамашы бола алады.

Бұған дейін әлеуметтік желілерде Азия ойындарына қатысып жатқан Қазақстан спортшыларының киімдерінің сапасына қатысты шағымдар пайда болған.

Оқи отырыңыз