Азия чемпионаты арқылы қазақстандық балуандар жазғы олимпиадаға қанша лицензия алуды жоспарлауда
Сурет: Instagram/kazakhstan__wrestling
ҰОК мәліметіне сай, алдағы Бішкек турниріне құрамалар 2024 жылдың ақпан айында өткен Қазақстан чемпионатының қорытындысы бойынша іріктелген. Олимпиадалық салмақ дәрежесіндегі жеңімпаздарға Азия турнирі арқылы Париж Олимпиадасына қатысуға мүмкіндік беріледі.
Бүгінде ел қоржынында Парижге тек екі квота бар. Олардың иелері:
- Нұрсұлтан Тұрсынов (грек-рим күресі, 87 келіге дейін)
- Азамат Дәулетбеков (еркін күрес, 86 келіге дейін)
Сол себептен де біздің балуандар лицензиялардың көп бөлігін Бішкек кілемінде алуды жоспарлап отыр.
Сурет: Instagram/kazakhstan__wrestling
Әйелдер күресінен Қазақстан құрамасы қазіргі уақытта Таразда оқу-жаттығу жиынын өткізуде. 11 сәуірде дайындықты сәтті аяқтағаннан кейін, олар да Бішкекке жол тартады.
"Қазір команда Бішкекте өтетін Азия чемпионатына да, лицензия алуға да дайындалуда. Азия чемпионатында олимпиадалық емес салмақ дәрежесінде Қазақстан жеңімпаздары және олимпиадалық салмақ дәрежесіндегі жеңімпаздарымыз да өнер көрсетеді. Біздің міндетіміз-екі лицензияны да жеңіп алу, кілем бәрін көрсетеді".ҚР әйелдер құрамасының бас бапкері Қайрат Сағадиев
Лицензиялық турнирге әйелдер күресі бойынша Қазақстан командасының құрамы келесідей:
- 50 келіге дейін – Лаура Ғаникызы;
- 53 келіге дейін-Жұлдыз Ишимова;
- 57 келіге дейін-Эмма Тисина;
- 62 келіге дейін-Ирина Кузнецова;
- 68 келіге дейін-Елена Шалыгина;
- 76 келіге дейін–Жамиля Бақбергенова.
Сурет: Instagram/kazakhstan__wrestling
Бүгінде грек-рим стиліндегі балуандарымызды дайындауда бір апталық үзіліс кезеңі. Олар 7 сәуірде олимпиадалық дайындық орталығына қайта жиналады.
"Қазіргі уақытта командада Нұрсұлтан Тұрсыновтың бір ғана квотасы бар. Қазір ол Новосибирскіде (Ресей) жаттығуда. Жеке жоспар бойынша жұмыс істейді. Оның жанында Евгений Поливадов дайындалуда. Жігіттермен жеке жаттықтырушы және спарринг серіктестері жұмыс істейді. Олармен бірге Ресейдің ең мықты балуандары да дайындық үстінде. Сондықтан бұл сапар оларға пайдалы болады. Лицензиялық турнирге қатысатын балуандардың да деңгейі жоғары. 21 сәуірде боз кілемге шығамыз. Мен барлық жігіттердің лицензия алғанын қалаймын". Грек-рим күресінен ҚР құрамасының бас бапкері Юрий Мельниченко
Бішкекте ел намысын қорғайтын балуандар:
- 60 келіге дейін-Айдос Сұлтанғали;
- 67 келіге дейін-Мейіржан Шермаханбет;
- 77 келіге дейін-Демеу Жадраев;
- 97 келіге дейін-Олжас Сырлыбай;
- 130 келіге дейін-Әлімхан Сыздықов.
Еркін күрестен Қазақстан құрамасына келетін болсақ, команданың бір бөлігі Осетияда (Ресей) өтетін турнирлерге дайындалуда. Бішкекке кетер алдында балуандар тағы бір жарыс өткізеді.
"Қазіргі уақытта дайындық қарқынды. Осетияда Нұрқожа Қайпанов, Әлішер Ерғали, Юсуп Батырмұрзаев, Ризабек Айтмұхан және Азамат Дәулетбеков жаттығуда. Қырғызстанға кетер алдында бізде тағы да жарыстар бар, содан кейін турнирге барамыз. Бішкектен екі лицензия алуды жоспарлап отырмыз. Бірақ біз болжам жасауға асықпаймыз, бәрін уақыт көрсетеді"Еркін күрестен ҚР құрамасының бас бапкері Мадияр Құрамысов
Еркін күрестен Қазақстан командасының құрамы:
- 57 келіге дейін-Ерасыл Мұхтарұлы;
- 65 келіге дейін-Маис Алиев;
- 74 келіге дейін - Нұрқожа Қайпанов;
- 97 келіге дейін-Әлішер Ерғали;
- 125 келіге дейін-Юсуп Батырмұрзаев.
Күрестің үш түрінен Азия өңірлік іріктеу турнирі Қырғызстан астанасында 19-21 сәуір аралығында өтеді.
Айта кетейік, Париж Олимпиадасы жүлдегерлерін қомақты сыйақы күтіп тұр.
