Дзюдодан ӘЧ-2024: Елдос Сметов пен Әбиба Әбужақынова қола медаль үшін таласатын болды

Дзюдодан Әбу-Дабиде өтіп жатқан әлем чемпионатында қос отандық спортшы Елдос Сметов пен Әбиба Әбужақынова қола медаль үшін бақ сынайтын болды, деп хабарлайды Zakon.kz.

Ұлттық олимпиада комиетінің хабарлауынша, 60 келі салмақтағы ширек финалдық белдесуде Елдос Сметов ресейлік Аюб Блиевтен, ал қыздар арасында 48 келіде күрескен Әбиба Әбужақынова моңғолиялық қарсыласынан жеңілді.  

Сурет: Оlympic.kz

Осылайша Сметов турнирдің жұбаныш белдесуіне қатыспай, бірден қола медальға күресу мүмкіндігін алды. Себебі, оның жұбаныш белдесуіндегі қарсыласы, франциялық  Ромен Валадье Пикар жарыстан шеттетілді. 

Қола медаль үшін өтетін кездесуде Әбиба түркиялық Тукче Бедермен белдесетін болады.